.

آغيز سودونون ترکيبينده کي اينفئکسييالاردان (عفونت) قورويوجو پروتئينلرين ميقداري عادي آنا سودونده کي ندن قات-قات چوخدور. آغيز سودو بوي آرتيمي فاکتورلاري و هورمونلارلا زنگيندير. آغيز سودو عادي آنا سودوندن قاتي، قيدا مادده لري و آنتيباکتئريال مادده لرله زنگين اولسا دا، عادي سوددن تئز و راحات هضم اولونور. آغيز سودو قاتي اولدوغو اوچون يئني دوغولموش کؤرپه نين باغيرساق ديوارلاري نين ايچ قاتيني تام اؤرته رک، اورقانيزمي اينفئکسيون و باشقا خسته ليکلره يولوخماقدان قورويور. بونا آغيز سودونون آنتي-کروپلارلا

۱۹۹۳-اونجو ايلده آذربايجان طب بيلي يوردونون طلبه سي کيمي، باکيدا

افندييئو آدينا شهر خسته خاناسيندا اوشاق خسته ليکلري فني اوزره

نؤوبتي تدريس پروسئسي عرفه سينده اؤيرنديم کي، آذربايجان

رئسپوبليکاسيندا (جمهوري) آغيز سودونو - جولوستروم – او يئني

دوغولموش اوشاقلارا وئرميرلر. و آذربايجاندا بوتون دوغوم ائولرينده آنالارا آغيز

سودونون ا ايله ساغيلماسي هاقدا خوصوصي تعليملر کئچيريلير. بئله ليکله،

حکيملرين و مامالارين تعليماتينا اساسن آنالار اؤز اللري ايله آغيز سودونو

ساغير و توللاييرلار.

اوشاق خسته ليکلري اوزره موعليميميز الي موعليمين دئديگينه گؤره، آغيز

سودونون يئني دوغولموش کؤرپه لره منفي تاثيري ” نظريييه سي ” بير

ائرمني حکيمينه مخصوصدور و آذربايجاندا تطبیق اولونور.

ائرمني حکيمين آغيز سودونون منفي تاثيرلري هاقدا هئچ بير علمي

تعليماتي يوخ ايدي. بو سودون يئني دوغولموش کؤرپه لره وئريلممگي نين

سببي، سودون قاتي اولماسي و آغير هضم اولونماسي کيمي

گؤستريلميشدير.

آغيز سودو!

آغيز سودونون ايفرازي حاميله ليگين سون گونلرينده باشلايير و تخمينن

دوغوشدان بير هفته سونرا دوام ائدير. آغيز سودو ظاهيري گؤرونوشو ايله

بير نئچه گون سونرا اونو عوض ائده جک عادي آنا سودوندن فرقله نير. آغيز

سودونو عادي آنا سودوندن فرقي اونون زولال و مينئرال مادده لرله زنگين

اولماسيدير. بو سود عادي سوددن فرقلي اولاراق قاتيدير و هرارت وئريلرسه

تئز لاختالانير. آغيز سودونده زولاللارين، مينئرال مادده لرين، آ و ائ

ويتامينلرين ميقداري عادي آنا سودوندن ۳-۸ دفعه چوخدور، ياغلارين و

لاکتوسون ميقداري ايسه آزدير.

آغيز سودونون ترکيبينده کي اينفئکسييالاردان (عفونت) قورويوجو پروتئينلرين

ميقداري عادي آنا سودونده کي ندن قات-قات چوخدور. آغيز سودو بوي

آرتيمي فاکتورلاري و هورمونلارلا زنگيندير. آغيز سودو عادي آنا سودوندن

قاتي، قيدا مادده لري و آنتيباکتئريال مادده لرله زنگين اولسا دا، عادي

سوددن تئز و راحات هضم اولونور. آغيز سودو قاتي اولدوغو اوچون يئني

دوغولموش کؤرپه نين باغيرساق ديوارلاري نين ايچ قاتيني تام اؤرته رک،

اورقانيزمي اينفئکسيون و باشقا خسته ليکلره يولوخماقدان قورويور. بونا آغيز

سودونون آنتي-کروپلارلا زنگين اولماسي ايمکان يارادير.

آغيز سودونون ميقداري آز اولسا دا، يئني دوغولموش کؤرپه لرين

ساغلامليغي نين تمين اولونماسي، اينفئکسيون و باشقا خسته ليکلردن

قورونماسي اوچون يئترلي و سون درجه اؤنمليدير.

آغيز سودو چوخ قديم زامانلاردان ايستيفاده اولونموشدور و بو گونه قدر اونون

هر هانسي زيان وئريجيليگي هاقدا هئچ بير معلومات يوخدور. آغيز سودونون

اينفئکسيون خسته ليکلره، قارين آغريلارينا و باغيرساقلارين سئليکلي

قيشاسي نين ايلتيهابينا قارشي موعاليجوي اهميتي عوض اولونمازدير. قئيد

ائتمک لازيمدير کي، آغيز سودو قارين بوشلوغو و باغيرساق خسته ليکلرينه

قارشي سون درجه ائففئکتلي و پروفيلاکتيک اهميته ماليک مادده لرله

زنگيندير. هله ان اسگي دؤورلردن آغيز سودوندن موختليف اينفئکسييا

خسته ليکلرينه قارشي، او جومله دن، دري، گؤز، بوغاز، قارين بوشلوغو و

باغيرساق اينفئکسييالارينا قارشي ايستيفاده ائتميشلر.

آغيز سودوندن سونرا آرا سود ايفرازي باشلانير، هانسي کي، تخمينن ۳

هفته دن سونرا تام يئتيشميش آنا سودو ايله عوض اولونور. آغيز سودو

گوجلو باکتئريسيد اؤزللييه مايليک اولدوغو اوچون يئني دوغولموش کؤرپه لر

اوچون چوخ فايداليدير.

آنا و کؤرپه

آذربايجاندا اوشاق دوغوم شؤعبه لرينده آنالارا آغيز سودونو ساغيب

توللاماغي اؤيره دنلر، يئني دوغولموش کؤرپه لري اونلارين ساغلامليغي

اوچون سون درجه فايدالي اولان ايلک سوددن محروم ائتمکله ياناشي،

اونلاري آنا قوجاغينا و ايستيسينه ان چوخ احتيياج دويدوقلاري بير واختدا

آنالاريندان دا آييرميش اولورلار. يئني دوغولموش کؤرپه نين آنا بطنيندن کنار

موحيطه اويغونلاشماسي اوچون موعين واخت طلب اولونور. يئني

دوغولموش کؤرپه لرين خاريجي موحيطه اويغونلاشماسي، آنانين سسي،

بدنين ايستيسي و نوازيشي ايله موشاييعت اولونماليدير. يئني دوغولموش

کؤرپه نين ايلک علاقه سي آناسي نين قوجاغي و اونون سسي اولماليدير.

اگر اوشاق جراحي عمليات يولو ايله دوغولموشسا، آناني آتا عوض ائتمه

ليدير. آتا کؤرپه ني قوجاغينا آلاراق اونو لوت بدني اوسته قيزديرمالي و ايلک

فورصتده آنا سودو ايله قيدالانديرماليدير. آنا نارکوزدان آييلانا و سود وئرمه يه

تام حاضير اولانا قدر اوشاغي قيدالانديرماغا احتيياج يوخدور.

آغيز سودونون ساغيليب توللانيلماسي، آنا ايله کؤرپه نين علاقه سينه

جيدي ضربه وورور. اوشاغين دؤش آختارماق جهدلري بوشا چيخير، او

يورولور و جيدي سارسينتييا معروض قالير. آناسيندان اوزاق ساخلانديغي

اوچون يئني موحيطه اويغونلاشماق جهدلرينده تک قالير. بئله اوشاقلار بزن

سارسينتييا دؤزمور و تئز-تئز خستله نير.

آنانين اوشاغا سود وئرمه سي، آنا و بالانين خاريجي موحيطده بيرگه حيات

طرزي نين، داورانيش قايداسي نين و قارشيليقلي موناسيبتي نين ترننومو و

بيرگه ياشاماسيدير. بو آنلارين و فورصتلرين ايتيريلمه سي اوشاغين گله

جک حياتيندا و شخصيتي نين فورمالاشماسيندا خوشا گلمز ايزلر بوراخير.

يئني دوغولموش کؤرپه ني آنادان آيري ساخلاماق اولماز. يالنيز کؤرپه و آنا

ياتاندا، کؤرپه ني نزارتده ساخلاماق اوچون آنادان آيري ياتيزديرماق اولار.

آييلان کيمي اونو يالنيز آناسي نين ايستي قوجاغي و سودو ايله

اوووندورماق لازيمدير.